ဖိုဓါတ်မဓါတ်ယှဉ်စပ်ထိတွေ့မှု

အာရုံခံစားမှုပိုင်းဆိုင်ရာ ပြဿနာတစ်ခုက ဖိုဓါတ်မဓါတ်ယှဉ်စပ်ထိတွေ့မှုလို့ခေါ်တဲ့ ကာမဂုဏ်ဆန္ဒကိုအလိုလိုက်မှု(indulgence in sexual desire)ပဲပေါ့။ ကာမဂုဏ်ဖွား၊ ကာမဘုံသားသတ္တ၀ါတွေရဲ့အခြေခံအသိမှာ အိပ်(အိပ်ဖို့သိတယ်) စား(စားဖို့သိတယ်) ကာမ(ကာမဂုဏ်ခံစားဖို့သိတယ်)ဆိုတဲ့သဘောက သဘာဝအနေနဲ့ကိုပါနေပြီးသားပါ။

ကျွန်ုပ်တို့ ၃၁ဘုံရှု့ထောင့်ကနေအဆိုပါ ဖိုဓါတ်မဓါတ်ထိတွေ့ခံစားမှုသဘောကိုသုံးသပ်ကြည့်မယ်ဆိုရင် ဗြဟ္မာ့ဘုံ(၂၀)မှာတော့ သူတော်စင်ကြီးတွေပဲနေတာဆိုတော့ အဆိုပါအခြေခံအသိတော့မရှိဘူးပေါ့။ ဖိုဓါတ်မဓါတ်ကိုခွဲခြားပေးတဲ့ အသွင်သဏ္ဌာန်တောင်မရှိဘူးလို့ဆိုပါတယ်။ သင်ကမေးပါလိမ့်မယ်။ ဗြဟ္မာ့ပြည်မှာပုထုဇဉ်တွေရှိတယ်မလား။ ပုထုဇဉ်တစ်ယောက်မှာ အခြေခံဒီအသိစိတ်မပါဘူးလားပေါ့။

ဗုဒ္ဓအဘိဓမ္မာရှု့ထောင့်ကကြည့်မယ်ဆိုရင် အနာဂါမ်(Non-Returner)နဲ့ရဟန္တာ(Arahant)တို့ကလွဲရင် ကျန်တဲ့ပုထုဇဉ်(Ordinary Person)သောတာပန်(Stream-Enterer)နဲ့သကဒါဂါမ်(Once-Returner)တို့မှာတော့ ဒီလိုခံစားလိုမှုသဘောကတော့ ရှိနေပြီးသားပါ။ နည်းတာများတာ ထိန်းချုပ်တာနဲ့ မထိန်းချုပ်တာပဲကွာတာပါ။

သုံးဆယ့်တစ်ဘုံကိုလေ့လာကြည့်လိုက်ရင် ငရဲတိရစ္ဆာန်၊ ပြိတ္တာနဲ့အသူရကာယ်လို့ခေါ်တဲ့ အပါယ်လေးဘုံမှာ ပုထုဇဉ်တွေပဲရှိပါတယ်။ လူ့ဘုံနဲ့နတ်ပြည်ခြောက်ထပ်မှာတော့ ပုထုဇဉ်တွေကော အရိယာတွေရော ရှိနိုင်ပါတယ်။ ဒါအကြမ်းဖျင်းတင်ပြတာပါ။

တစ်ခုမှတ်ထားရမှာက ဗြဟ္မာ့ပြည်မှာရှိတဲ့ ပုထုဇဉ်တွေနဲ့ကျွန်ုပ်တို့လူ့ပြည်နတ်ပြည်နဲ့ အပါယ်လေးဘုံမှာရှိတဲ့ပုထုဇဉ်တွေရဲ့စိတ်ပါဝါ(စိတ်စွမ်းအား)ချင်း မတူကြပါဘူး။

ဗြဟ္မာ့ပြည်မှာရှိတဲ့ပုထုဇဉ်က အနာဂါမ်နဲ့ရဟန္တာလိုအဲဒီစိတ်ကိုအမြစ်ပြတ်မရှင်းထုတ်နိုင်သေးပေမယ့်လို့ သူတို့ဗြဟ္မာ့ပြည်မရောက်ခင်မှာ အားထုတ်ရရှိခဲ့တဲ့ ဈာန်အရှိန်ဈာန်ပါဝါကြောင့် အဲဒီစိတ်တွေဟာ ရှိမှန်းမသိနိုင်အောင်ကို ငြိမ်သက်နေတတ်ကြပါတယ်။ ဈာန်ဆိုတာဟာလည်း စိတ်စွမ်းအားတစ်ခုပါ။ စိတ်ဟာအကြမ်းဖျင်းအနေနဲ့ပြောရမယ်ဆိုရင် ဖြူစင်တဲ့စိတ်စွမ်းအား(ကုသိုလ်)နဲ့ညစ်နွမ်းတဲ့စိတ်စွမ်းအား(အကုသိုလ်)ဆိုပြီး ပုံစံနှစ်မျိုးရှိပါတယ်။

``ဆရာကြီးဟာမင်းပဲ´´ဆိုသလို နှစ်ခုစလုံးဟာလည်း ဆရာကြီးတွေပါပဲ။ ရေများရေနိုင် မီးများမီးနိုင်ဆိုတဲ့သဘောပေါ့။ တော်တော်များများအချိန်တွေမှာတော့ အကုသိုလ်ဆိုတဲ့ညစ်နွမ်းတဲ့စိတ်က နိုင်လေ့ရှိပါတယ်။

သင့်ကိုယ်သင် သုတေသန(reserch)လုပ်ကြည့်လိုက်လေ။ ကုသိုလ်(ဖြူစင်တာကောင်းတာ)နဲ့ အကုသိုလ်(ညစ်နွမ်းတာ မကောင်းတာ)မှာ ဘယ်ဟာကိုလုပ်ရတာ ပိုလွယ်မလဲ။ အကုသိုလ်ကအနိုင်များတယ်ဆိုပေမယ့် တကယ်ကုသိုလ်အားကောင်းသွားပြီဆိုရင် အကုသိုလ်စိတ်ဟာ လုံးဝငြိမ်ကျသွားရပါတယ်။ လုံးဝလုံးဝကုသိုလ်က အားရှိသွားပြီဆိုရင် အကုသိုလ်စိတ်ဟာ လုံးဝစိတ်သန္တာန်ကနေဖယ်ရှားခံလိုက်ရလေ့ရှိပါတယ်။

ဗြဟ္မာကြီးတွေဆိုတာလည်း ဗြဟ္မာ့ပြည်မရောက်ခင်မှာ သူတို့ရဲ့စိတ်မှာကုသိုလ်တွေအဖြစ်များအောင်ကျင့်ခဲ့ကြတာပါ။ ဘာဝနာပွားခဲ့ကြတာကို ဆိုလိုတာပါ။ အဓိကကတော့ သမထဘာဝနာပေါ့။ သူတို့ရဲ့ဘာဝနာကြောင့် ဈာန်တွေရပြီး ကောင်းတဲ့စိတ်အုပ်စုက လုံးဝအားကောင်းသွားပါတယ်။ ဒီတော့မကောင်းတဲ့အကုသိုလ်စိတ်က ရှိမှန်းမသိအောင်ကိုပဲ ငြိမ်သက်သွားရတော့တာပေါ့။ အဲဒါကြောင့်သူတို့ဟာ ဗြဟ္မာ့ပြည်မရောက်ခင်ကတည်းကနေ သူတို့ရဲ့စိတ်ဟာ ဖြူစင်သလိုဖြစ်နေကြပါတယ်။

တစ်ခုတော့ရှိတာပေါ့လေ။ ဗြဟ္မာ့ပြည်မှာရှိတဲ့ ပုထုဇဉ်ဗြဟ္မာကြီးတွေဟာ သူတို့ရဲ့ဈာန်သက်တမ်းကုန်လို့လူ့ပြည်နတ်ပြည်မှာ ပြန်ပြီးမွေးဖွားကြပြီဆိုရင်တော့ ပုံမှန်အတိုင်းပြန်ဖြစ်သွားကြပြီး ထုံးစံအတိုင်းကုသိုလ်စိတ်ဖြစ်လိုက် အကုသိုလ်စိတ်ဖြစ်လိုက်ပေ့ါ။ သာမန်လူတွေနတ်တွေထက်စာရင်တော့ ဗြဟ္မာ့ပြည်ကလာခဲ့တဲ့အရှိန်ကြောင့် ကြမ်းတမ်းတဲ့အကုသိုလ်စိတ်တော့ အဖြစ်နည်းတာပေါ့။

ဗြဟ္မာ့ပြည်မှာ ပုထုဇဉ်တွေတောင်အဲဒီကာမဂုဏ်အာရုံတွေကို မခံစားကြတော့ဘူးဆိုတော့ သောတာပန်နဲ့သကဒါဂါမ်အတွက်တော့ ပြောစရာမလိုတော့ဘူးပေါ့။ ပုထုဇဉ်ဗြဟ္မာတွေကတော့ ဈာန်အရှိန်ကုန်သွားတဲ့အခါမှာ အောက်ကိုပြန်ဆင်းကြပေမယ့်လို့ ဗြဟ္မာ့ပြည်မှာရှိတဲ့ ဘယ်အရိယာမှလူ့ပြည်နတ်ပြည်ကိုပြန်ဆင်းပြီး မမွေးဖွားတော့ပါဘူး။ ရှေ့ကိုပဲသူတို့ကတက်ပါတော့တယ်။

လိုရင်းကတော့ ၃၁ဘုံမှာ ဖိုဓါတ်မဓါတ်အလိုလိုက်မှုသဘောဟာ ဗြဟ္မာ့ပြည်မှာမရှိဘူးလို့ မှတ်သားထားစေချင်ပါတယ်။ နတ်ပြည် ၆ထပ်နဲ့လူု့ဘုံဆိုတဲ့ ကာမသုဂတိ ၇ဘုံမှာတော့ အနာဂါမ်နဲ့ရဟန္တာပုဂ္ဂိုလ်တွေကလွဲရင် ကျန်တဲ့ပုထုဇဉ် သောတာပန် သကဒါဂါမ်တို့ကတော့ အဲဒါကိုအလိုလိုက်မှုရှိပါသေးတယ်။

သကဒါဂါမ်ကိုထည့်သာတွက်နေရတာပါ။ သူတို့မှာရှိနေတဲ့ လောဘဒေါသတို့က အရမ်းသိမ်မွေ့နေပြီဖြစ်လို့ အဲဒီသဘောမျိုးက မရှိနိုင်တော့ဘူးလို့တောင် တစ်ချို့ပညာရှင်တွေက ဆုံးဖြတ်ကြပါတယ်။ တချို့ကလည်း ရှိတော့ရှိနိုင်သေးတယ်။ ဒါပေမယ့် ဒီဆန္ဒမျိုးဖြစ်ဖို့က အလွန်ခဲယဉ်းသွားပြီလို့လည်း တချို့ကသုံးသပ်ကြပါတယ်။

သောတာပန်ကတော့ ၀ိသာခါကျောင်းအမကြီးဟာ အကောင်းဆုံးဥပမာပါပဲ။ အိမ်ထောင်သားမွေးကိုတော့ မစွန့်လွှတ်နိုင်သေးဘူးပေါ့။ ဒါပေမယ့်သောတာပန်တစ်ယောက်က ၅ပါးသီလကိုချိုးဖောက်ကျူးလွန်လိုစိတ်က သဘာဝအနေနဲ့ကို မရှိတော့ဘူးဆိုတော့ သာမန်ပုထုဇဉ်သားတွေလိုတော့ ရှုပ်ထွေးမှုတော့ မရှိတော့ဘူးပေါ့။

ငရဲ တိရစ္ဆာန် ပြိတ္တာ အသူရကာယ်လို့ခေါ်တဲ့ အပါယ်လေးဘုံမှာတော့ ပုထုဇဉ်တွေပဲ နေကြတာဆိုတော့ ဖိုဓါတ်မဓါတ်သဘောကို အလိုလိုက်မှုကတော့ ရှိနေကြသေးတာပေါ့။ အတိအကျပြောမယ်ဆိုရင် တိရစ္ဆာန်၊ ပြိတ္တာနဲ့အသူရကာယ်သုံးဘုံပေါ့။ ငရဲမှာရှိတဲ့ငရဲသားတွေဟာ ဒီစိတ်မျိုးတွေရှိနေကြပေမယ့် အဆက်မပြတ်ဆင်းရဲဒုက္ခခံစားနေကြရတာဆိုတော့ လက်တွေ့တော့ မဖြစ်နိုင်ဘူးပေါ့။

ဒါကြောင့် ၃၁ဘုံကိုပြန်ချုံ့ပြီးပြောလိုက်မယ်ဆိုရင် ဗြဟ္မာ့ဘုံနဲ့ငရဲကလွဲရင် ကျန်တဲ့ဘုံတွေမှာရှိကြတဲ့ ပုထုဇဉ်၊ သောတာပန်၊ သကဒါဂါမ်တွေဟာ အဲဒီဖိုဓါတ်မဓါတ်သဘောကို အလိုလိုက်မှုကတော့ ရှိနေကြတယ်ဆိုတာပါပဲ။ ဒါကြောင့်လည်းသင် ၃၁ဘုံကို လိုက်ကြည့်လိုက်လေ။ ဗြဟ္မာ့ပြည်နဲ့ငရဲကလွဲရင် ကျန်တဲ့ဘုံတွေမှာ အများစုဟာ အတွဲလေးတွေနဲ့ကဲနေကြတာပေါ့။

အဆိုပါအများစုမရှောင်နိုင်တဲ့အာရုံတွေရဲ့ ရိုက်ချက်ပြင်းပြင်းတွေကို တောင့်ထားရှောင်ရှားပြီး သူတော်စင်တွေရဲ့မြင့်မြတ်တဲ့အလုပ်တွေ မြင့်မြတ်တဲ့ကျင့်စဉ်တွေနဲ့ ပျော်မွေ့ကျင့်သုံးနေတဲ့ ရဟန်း၊ ဆရာလေး၊ ရသေ့ယောဂီတွေကို ကာမသုံးဆောင်ကာမအာရုံတွေထဲက လူတွေက ငါတို့မရှောင်နိုင်တာတွေကို သူတို့ရှောင်နိုင်ပါလားဆိုတဲ့အတွေးနဲ့ လေးလေးစားစားဆက်ဆံဂါရ၀ပြုပူဇော်ကြတာပါလားဆိုတာ ကျွန်ုပ်စဉ်းစားနေမိပါတယ်။ ပူလဲပူဇော်ထိုက်ပါတယ်။

အရိယာမဖြစ်သေးတဲ့သာမန်လူသားတစ်ယောက်အနေနဲ့အာရုံတွေရဲ့ဆွဲခေါ်နေမှုကို ခပ်တည်တည်နဲ့တောင့်ထားရှောင်ရှားနိုင်တာဟာ ပေါ့သေးသေးအစွမ်းတော့ မဟုတ်ပါဘူး။ ဒီအဆင့်လောက်ရောက်ဖို့ကိုပဲ ဘ၀တွေအများကြီးမှာ ပါရမီတွေဖြည့်ကျင့်ခဲ့ကြရပါတယ်။

နိက္ခမပါရမီ၊ ကာမဂုဏ်အာရုံတွေမှထွက်မြောက်ခြင်းဆိုတာကို နည်းနည်းစီဘ၀များစွာ ဆည်းပူးဖြည့်ဆည်းခဲ့ကြလို့ ဒီလိုအာရုံတွေကနေ နှစ်တွေအကြာကြီးရှောင်နိုင်တဲ့အဆင့်ကိုရောက်လာခဲ့နိုင်တာပါ။

ရဟန်း၊ဆရာလေး၊ရသေ့ယောဂီသူတော်ဝင်တွေအနေနဲ့လည်း မိမိတို့ရဲ့ဘ၀ကို တန်ဖိုးထားသင့်ပါတယ်။ အထူးအားဖြင့်တော့ ကျွန်ုပ်တို့ရဲ့သာသနာ့ဝန်ထမ်း ရှင်ရဟန်း ဆရာလေးတွေအနေနဲ့ ဖိုဓါတ်မဓါတ်ထိတွေ့မှုသဘောကို အလိုလိုက်မှုကို ထိန်းနိုင်ရုံလေးနဲ့ကျေနပ်မနေကြဘဲ အာရုံတွေကိုလိုက်စားခြင်းကိုလည်း နည်းနိုင်သလောက်နည်းအောင် လျော့ချသင့်ပါတယ်။

လူသားတွေရဲ့ပူဇော်အရိုအသေပေးမှုကိုခံနေပြီး အာရုံခံစားမှုတွေကို လူသားတွေထက်တောင် ပိုမိုခံစားနေကြမယ်ဆိုရင် မိမိရဲ့ဘ၀အဆင့်အတန်းကို မိမိကပဲနှိမ့်ချပေးသလိုဖြစ်နေပါလိမ့်မယ်။ မိမိရဲ့ဘ၀အနေအထားဟာ ဘယ်လိုလဲ မိမိဘာလုပ်ရမလဲဆိုတာကိုသိပြီး ကိုယ့်အလုပ်ကိုယ်လုပ်နေရင် သူ့ဖာသာသူပြည့်စုံလာပါလိမ့်မယ်။

ကောင်းဆုဝေဆရာတော်
စစ်မှန်တဲ့ပျော်ရွှင်မှု(သို့)ချမ်းသာဆိုတာ(၁)စာအုပ်မှ ထုတ်နှုတ်ဖော်ပြအပ်ပါသည်။
#ဓမ္မပန်းခင်း