သာဓုခေါ်လျှင် ကြိုကြိုတင်တင် ဆင်ခြင်ခေါ်ကြပါ

တရားပွဲပြီးသော် ဒကာတစ်ယောက်ရောက်လာပြီး ``အရှင်ဘုရား တရားဟောတာကောင်းပါတယ်။ ဒါပေမယ့် သာဓုနည်းနေတယ်ဘုရား´´ဟု လျှောက်၏။ မိမိမှာနားမလည်။ သို့နှင့် မေးရ၏။

``ဘယ်လိုသာဓုနည်းတာလဲဒကာကြီး´´

``တရားဟောတဲ့အခါ ခဏခဏ `သတည်း´ချရတယ်ဘုရား။ အဲဒီလို ခဏခဏ `သတည်း´ချတော့ ပရိသတ်က `သာဓု´ခေါ်တော့ အိပ်ချင်ပြေတယ်ဘုရား၊ ယခုအရှင်ဘုရားက သတည်းအချတော့ သာဓုမခေါ်ရတော့ အိပ်ချင်တာပေါ့ဘုရား´´

``ဒါဖြင့် သာဓုက အိပ်ချင်ပြေသာဓုလား´´

ဒကာသည် ထိုအခါတွင် ပြုံးယောင်သန်းလာသည်။ အဖြေကိုရှာသည်။ ပြီးမှပြောသည်။

``ဒီလိုတော့လဲ မဟုတ်ပါဘုရား´´

``ဒီလိုမဟုတ်ရင် ဘယ်လိုဟုတ်တာလဲ´´

``သာဓုခေါ်တဲ့ပရိသတ်က သာဓုခေါ်တော့ အိပ်နေတဲ့ပရိတ်သတ်တွေ ငိုက်မျဉ်းနေတဲ့ ပရိသတ်တွေနိုးလာတယ်။ ငိုက်မျဉ်းပျောက်သွားတာပေါ့ ဘုရား´´

``ဒီလိုဆိုတော့ နိုးသာဓု၊ ငိုက်မျဉ်းဖျောက်သာဓုပေါ့၊ ဟုတ်လား´´

``မှန်ပါ ဒီသဘောပါဘုရား´´

``ဒီသဘောတော့ မကောင်းပါဘူး ဒကာကြီးရာ၊ အိပ်ချင်တဲ့လူကလည်း အိပ်မှာပဲ၊ ငိုက်ချင်တဲ့လူကလည်း ငိုက်မှာပဲ၊ သူတို့အတွက် `သတည်း´ချပြီး သာဓုခေါ်စေရတာဟာလည်း ပုံမမှန်သေးပါဘူး´´

``နို့ ဘယ်လိုမှ ပုံမှန်ပါသလဲဘုရား´´

``သာဓုဆိုတာက ပါဠိစကား ဒကာကြီးရဲ့´´

``မှန်ပါဘုရား´´

``မြန်မာလိုက `ကောင်းပါတယ်´ သို့မဟုတ် `ကောင်းလေစွ´သို့မဟုတ်`ကောင်းပေ၏ ကောင်းပေတယ်´လို့ အဓိပ္ပါယ်ရှိတယ်´´

``မှန်ပါဘုရား´´

``ဒီတော့ သာဓုဆိုတာ `ကောင်းပါတယ်´လို့ ချီးမွှမ်းတာပဲ မဟုတ်လား´´

``ဟုတ်ပါတယ် ဘုရား´´

``အဲဒီလို ကောင်းပါတယ် ချီးမွှမ်းတဲ့သာဓုကို အိပ်နိုးသာဓုအဖြစ် ငိုက်မျဉ်းဖျောက်သာဓုအဖြစ် အသုံးပြုလို့တော်ပါ့မလား ဒကာကြီး´´

``ဒီလိုဆိုတော့လဲ ဘယ်တော်မလဲဘုရား´´

``ပြီးတော့ မငိုက်တဲ့ပရိသတ်က ကောင်းလို့ပဲဆိုပါတော့`သာဓု´ခေါ်တော့ အိပ်ငိုက်တဲ့ပရိသတ်က အိပ်ချင်မူးတူး`သာဓု´ခေါ်တော့လည်း အဓိပ္ပါယ်ရှိရဲ့လား´´

``မရှိပါဘုရား´´

``ပြီးတော့ ဒကာကြီးပဲခုနက ပြောတယ်၊ ခဏခဏ`သတည်း´ချရတယ် `သတည်း´ချတော့ ပရိသတ်က သာဓုခေါ်တော့ အိပ်ချင်ပြေတယ်လို့ ပြောတယ်မဟုတ်လား´´

``မှန်ပါ ပြောပါတယ်ဘုရား´´

``ကဲဒါဖြင့် မေးပါရစေ သာဓုပုံမှန်က `သတည်း´ချလို့သာဓုခေါ်ရတာလား ကောင်းလို့ သာဓုခေါ်ရတာလား´´

``ပုံမှန်ကတော့ ကောင်းလို့သာဓုခေါ်ရတာပါဘုရား´´

``ခု ဘယ့်နှယ့်ဖြစ်နေလဲ´´

``ခုတော့ `သတည်း´ချလို့ သာဓုခေါ်ရတာဖြစ်နေပါတယ်ဘုရား´´

``ဒါဖြင့် ရမ်းသမ်းပမ်းသမ်းသာဓု´ပေါ့ ဟုတ်လား´´

``တင်ပါ ခုတော့ ဒီအတိုင်းဖြစ်နေပါတယ်ဘုရား´´

``အဲဒါခက်တာပဲဒကာကြီးရဲ့ တချို့ကလည်း ခဏခဏ`သတည်း´ချပြီး သာဓုခေါ်တာကို မကြိုက်ဘူး´´

``မှန်ပါ့ဘုရား´´

``ဘာဖြစ်လို့လဲဆိုတော့ အာရုံပြတ်သွားလို့တဲ့´´

``တင်ပါဘုရား ဒီလိုတော့ ဟုတ်သားပဲ ဘုရား´´

``တချို့ကလည်း ခေါ်သင့်တဲ့နေရာမှာသာဓုခေါ်ပြီး မခေါ်သင့်တဲ့နေရာမှာ သွားပြီးသာဓုခေါ်မိရင် ငရဲကြီးမှာကြောက်သတဲ့´´

``အဓိပ္ပါယ်ရှင်းပါဦးဘုရား´´

``ပဋာစာရီအကြောင်း ဟောတယ်ဆိုပါတော့နော်``

``မှန်ပါဘုရား´´

``ပဋာစာရီဟာ သားနှစ်ယောက်ကလည်းသေ၊ လင်ကလည်းသေ၊ မိဘနှစ်ပါးနှင့်မောင်ကလည်းသေတော့ ငိုပွဲမဆင်ဘူးလား´´

``မှန်ပါ ငိုပွဲဆင်ပါတယ်ဘုရား´´

``ပဋာစာရီငိုနေတာဟာ ကောင်းလို့ငိုနေတာလား´´

``မကောင်းလို့ ငိုနေတာပါဘုရား´´

``ဉာတိဗျသနဘေးကြီးတွေ့လို့ ဆင်းရဲဒုက္ခရောက်လို့ ငိုနေတာနော်´´

``မှန်ပါဘုရား´´

``အဲဒါကို ပဋာစာရီသည် သားသေလင်ဆုံး မိဘမောင်ဘွားတွေအကုန်ဆုံးသဖြင့် အပူလုံးကြွယူကြုံးမရနိုင်ဘဲ ငိုပွဲကြီးဆင်ရလေတော့သတည်းလို့`သတည်း´ချတော့ ပရိသတ်က ဘယ့်နှယ့်လဲ သာဓုခေါ်မလား´´

``မှန်ပါ သာဓုခေါ်ပါ့မယ်ဘုရား´´

``ကဲ သတည်းချလို့ သာဓုခေါ်တာလား ပဋာစာရီဒုက္ခရောက်နေတာကို သဘောကျဝမ်းမြောက်လို့ သာဓုခေါ်တာလား´´

``အဲဒါမှခက်တာဘုရား´´

``ဘာခက်တာလဲ´´

``သတည်းချလို့သာဓုခေါ်တယ်ဆိုရင်လည်း အရှင်ဘုရားကပြောဦးမယ်၊ သဘောကျဝမ်းမြောက်လို့သာဓုခေါ်တယ်ဆိုရင်လည်း အရှင်ဘုရားက ပြောဦးမယ်၊ ဒီတော့ခက်တာပေါ့ဘုရား´´

``အဲဒါမျိုးကိုအသိဉာဏ်ရှိတဲ့ပရိသတ်က သာဓုမခေါ်ချင်ဘူးဒကာကြီးရဲ့´´

``ဟိုမှာက ဒုက္ခရောက်လို့ငိုနေတာ၊ ကိုယ်ကသွားပြီးတော့ `ကောင်းပေစွ´လို့သွားပြီး လက်ခုပ်သြဘာပေးလို့ ဖြစ်မလား´´

``မဖြစ်ပါဘုရား´´

``ယခုနေ ကိုယ့်မှာဒုက္ခတစ်ခုခုနှင့်ကြုံနေလို့ ငိုနေတဲ့အခါ တစ်ယောက်ယောက် `ကောင်းပေစွ ကောင်းပေစွ´လို့ ၀မ်းသာအားရလာပြောရင် ကြိုက်မလား´´

``မကြိုက်ပါဘုရား´´

``မကြိုက်တဲ့အပြင် ဖြစ်နိုင်ရင် ထတောင်ရိုက်မှာ သတ်မှာမဟုတ်လား´´

``မှန်ပါဘုရား´´

``ဆင်းရဲဒုက္ခရောက်နေတဲ့ ဒုက္ခိတသတ္တ၀ါကို သနားကရုဏာဖြစ်ရမလား ၀မ်းသာမှုမုဒိတာဖြစ်ရမှာလား´´

``သနားကရုဏာဖြစ်ရမှာပါဘုရား´´

``သာဓုဆိုတော့ ကရုဏာလား မုဒိတာလား´´

``မုဒိတာပါဘုရား´´

``ဒီနေရာမှာ ပွားသင့် မပွားသင့်´´

``မပွားသင့်ပါဘုရား´´

``မပွားသင့်တာပွားက ကုသိုလ်ရမှာလား အကုသိုလ်ရမှာလား´´

``အကုသိုလ်ရပါတယ်ဘုရား´´

``တရားနာတာအကုသိုလ်ရအောင်နာတာလား ကုသိုလ်ရအောင်နာတာလား´´

``ကုသိုလ်ရအောင်နာတာပါဘုရား´´

``အေး အဲဒါကိုသဘောပေါက်ကြတဲ့ တချို့ပရိသတ်က ကုသိုလ်မရဘဲ အကုသိုလ်ရမှာစိုးလို့ နေရာတကာမှာ သာဓုမခေါ်ချင်ဘူး´´

``တပည့်တော်တို့ကြားဖူးတာက `တရားဟောတဲ့အခါ သာဓု သာဓု သာဓုလို့ခေါ်တဲ့သူမှာ ခံတွင်းမှာ ကြာညိုပန်းနံ့မွှေးတယ်လို့ ကြားဖူးပါတယ်ဘုရား´´

``ကြာညိုပန်းနံ့ဆိုတာ ကောင်းတဲ့အနံ့မဟုတ်လား´´

``ဟုတ်ပါတယ်ဘုရား´´

``ကောင်းတဲ့အနံ့ဟာ ကောင်းတဲ့အကြောင်းကြောင့်ထွက်တဲ့အနံ့ပဲ၊ ကောင်းတာကိုကောင်းတယ်လို့ သာဓုခေါ်လို့ထွက်တဲ့အနံ့ပေါ့ ဟုတ်လား´´

``ဟုတ်ပါတယ်ဘုရား´´

``ဒါဖြင့် မကောင်းတာကိုကောင်းပါတယ်လို့ သာဓုခေါ်ရင် ဘယ်လိုအနံ့ထွက်မလဲ´´

``ဒါတော့တပည့်တော် မလျှောက်တတ်ပါဘုရား´´

``အဲဒါမှခက်တာ ဒကာကြီးတို့ဥစ္စာက ဉာဏ်နဲ့စိစစ်ပြီးမှလက်မခံဘဲ ရမ်းပြီးလက်ခံထားတာပဲဟာ´´

``မှန်ပါဘုရား ဒီအတိုင်းဖြစ်နေပါတယ်´´

``မကောင်းတာသာဓုခေါ်လည်း မကောင်းနံ့ထွက်မှာပေါ့ ဒါကိုကြောက်လို့ တချို့က သာဓုမခေါ်ချင်တာလို့ပြောခဲ့ပြီကော´´

``မှန်ပါဘုရား တပည့်တော်သတိမထားမိလို့ပါ´´

``ကိုယ်တိုင်တိုက်တွန်း ချီးမွမ်းစိတ်တူဆိုတာ ရှိတယ်မဟုတ်လား´´

``မှန်ပါ ရှိပါတယ်ဘုရား´´

``ကိုယ်တိုင်လုပ်တာရယ် သူတစ်ပါးကိုတိုက်တွန်းတာရယ် သူတစ်ပါးလုပ်တာချီးမွှမ်းတာရယ် သူတစ်ပါးလုပ်တာ စိတ်တူတာရယ် ဒီလေးမျိုးဟာ ကုသိုလ်မှာလည်း အတူတူပဲနော်´´

``မှန်ပါဘုရား´´

``အကုသိုလ်မှာလည်း ဘယ့်နှယ့်လဲ´´

``အတူတူပါပဲဘုရား´´

``မကောင်းကျိုးတူကောင်းကျိုးတူပေါ့နော်´´

``မှန်ပါဘုရား´´

``ဒါဖြင့်ကုသိုလ်မှာ ကိုယ်တိုင်လည်းလုပ်သင့်တယ် သူတစ်ပါးလုပ်တာလည်း တိုက်တွန်းသင့်တယ်၊ ချီးမွှမ်းသင့်တယ်၊ စိတ်တူသင့်တယ် မဟုတ်လား´´

``ဟုတ်ပါတယ်´´

``အကုသိုလ်ကျတော့ ဘယ့်နှယ့်လဲ´´

``ကိုယ်တိုင်လည်း မလုပ်သင့်ပါ၊ သူများလည်းမတိုက်တွန်းသင့်ပါ၊ သူများလုပ်တာလည်း မချီးမွှမ်းသင့်ပါ၊ စိတ်မတူသင့်ပါဘုရား´´

``တရားနာတာ ဘာအတွက်လဲ´´

``ကုသိုလ်ရအောင်ပါဘုရား´´

``အင်း ကုသိုလ်ရအောင်သာနာပါ၊ သာဓုသံနည်းသလေးဘာလေး လုပ်မနေနဲ့နော်´´

``မှန်ပါဘုရား´´

``ကဲတော်ကြစို့´´

-သာဓုခေါ်လျှင် ကြိုကြိုတင်တင် ဆင်ခြင်ခေါ်ကြပါ။
-ကောင်းတဲ့နေရာ သာဓုဟာ လွန်စွာကျိုးရှိတာ။
-မကောင်းတဲ့နေရာ သာဓုဟာ လွန်စွာကျိုးယုတ်တာ။
-အကျိုးရှိကြည့် ကျိုးမဲ့ကြည့် နှစ်မျိုးကြည့်ကြပါ။
-ကျိုးမဲ့ကိုရှောင် ကျိုးရှိဆောင် ခုနောင်ချမ်းသာမှာ။

ဗုဒ္ဓဓမ္မပြဿနာများ-၄
ဧတဒဂ်အရှင်ပညာဇောတ