ကံကိုပြောင်းလဲနိုင်ပါသလား ဘာကြောင့်ဘယ်ကံတွေကိုပြောင်းလဲနိုင်ပါသလဲ

``စေတနာဟံဘိက္ခဝေ ကမ္မံဝဒါမိ ``ဆိုတဲ့စကားအတိုင်း ကုသိုလ်အကုသိုလ်
စေတနာက်ု ကံလို့ခေါ်ပါတယ်။ စေတနာကိုကံလို့လည်းခေါ်တယ်။ သင်္ခါရလို့လည်း
ခေါ်တယ်။ ပဋိစ္စသမုပ္ပါဒ်သဘောနဲ့ပြောရင် အ၀ိဇ္ဇာပစ္စယာ သင်္ခါရာ ကုသိုလ် အကုသိုလ်
သင်္ခါရတွေပါပဲ။
အဲဒီကုသိုလ် အကုသိုလ်ကံတွေဟာ သူတို့ရဲ့လုပ်ငန်းကိစ္စတွေအနေနဲ့ ၄-မျိုးရှိတယ်။
၁။ အခွင့်သင့်ရာမှာ မိမိကိုယ်တိုင် အကျိုးဖြစ်ပေါ်စေတဲ့ကံမျိုး အဲဒါကို ဇနကကံ လို့ခေါ်တယ်။
၂။ ကုသိုလ်အရာမှဖြစ်စေ၊ အကုသိုလ်အရာမှာဖြစ်စေ ကိုယ်တိုင်ကတော့အကျိုးမပေးဘူး။
တခြားကံတွေအကျိုးပေးခွင့်ရအောင် အကျိုးပေးသန်အောင် အထောက်အပံ့ပြုနေတဲ့ကံတွေကို
``ဥပတ္ထမ္ဘကကံလို့ခေါ်တယ်``။
၃။ တခြားကံကိုအကျိုးပေးခွင့်မသာအောင် အကျိုးပေးမသန်အောင် ကပ်ပြီးနှိပ်စက်တတ်တဲ့ကံကို
ဥပပီဠကကံလို့ခေါ်တယ်။ ဥပတ္ထမ္ဘကကံရဲ့ ဆန့်ကျင်ဘက်ပေါ့။
၎။ နှိပ်စက်ရုံတင်မကဘူး၊ တစ်ပါးသောကုသိုလ် အကုသိုလ်ကံတွေကို လုံးဝအကျိုးမပေးအောင်
ပေးပြီးတဲ့အကျိုးတွေကိုလည်း ပြတ်တောက်သွားအောင် သတ်ဖြတ်တဲ့ကံကို ဥပဃာတကကံလို့
ခေါ်တယ်။
အဲဒီကံ ၄-ပါးမှာ နောက်ကံ ၂-မျိုးကို သတိပြုလိုက်ပါ။ ဥပပီဠကကံနဲ့ ဥပဃာတကကံ။
ဥပပီဠကဆိုတာ တခြားဖြစ်ပြီးပြုပြီးတဲ့ကံကို နှိပ်စက်တာ။ အကျိုးပေးခွင့်မသာအောင်လုပ်ပြစ်တယ်။
ဥပမာ-ဘုရားရှိခိုးတယ်။ ဒါပဏာမကုသိုလ်စေတနာ။ အဲဒီ ကုသိုလ်စေတနာက အခြားအကုသိုလ်ကံ
တွေကို အကျိုးပေးခွင့်မသာအောင် လုပ်ပြစ်နိုင်တယ်။ အန္တရာယနိဝါရဏ-အန္တရာယ်ကို တားမြစ်နိုင်
တယ်။ ခရီးထွက်ခါနီးမှာ ဘုရားရှိခိုးပြီးသွားတာတို့ လမ်းခရီးမှာ ဂုဏ်တော်ပွားတာတို့ဆိုတာ နဂိုက
အကုသိုလ်ကံပါလို့ ကားအက်ဆီဒင့်တို့ဘာတို့ ဖြစ်နိုင်တယ်ဆိုရင်တောင်မှ ဒီဘုရားရှိခိုးတဲ့ကုသိုလ်
ဂုဏ်တော်ပွားတဲ့ကုသိုလ်တွေက တားလိုက်လို့မဖြစ်တော့ဘူး။ ဘာအန္တရာယ်မှ မရှိတော့ဘူး။
အဇာတသတ်မင်းရဲ့ ဖခင်သတ်တဲ့ အကုသိုလ်ဟာ အ၀ီစိငရဲအထိကျနိုင်ပါတယ်။ ဒါပေမဲ့ ဘုရားသာသနာ
ကိုကြည်ညိုလိုက်တဲ့ ကုသိုလ်ကံတွေကြောင့် အ၀ီစိမကျတော့ဘဲ ဥဒဿငရဲငယ်မှာသာ ဖြစ်ရပါတယ်။
အင်္ဂုလိမာလ ကိုယ်တော့်မြတ်ကြီးရဲ့ ဓားပြဘ၀ကလူသတ်ခဲ့တဲ့အကုသိုလ်တွေကို မဂ်ကုသိုလ်ဆိုတဲ့
ကုသိုလ်ကံကြီးနဲ့ဖျက်ဆီးလိုက်လို့ နောက်နောက်ဘ၀တွေလုံးဝအကျိုးမပေးတော့ဘဲ လုံးဝပျက်ဆီးသွား
ရတာတွေဟာ ကံအပြောင်းအလဲဖြစ်တဲ့သဘောတွေပါပဲ။
အလားတူပဲ မိဘဆရာကိုပြစ်မှားတာတွေ သူတော်သူမြတ်ကိုပြစ်မှားတာတွေ ဒီအကုသိုလ်ကံတွေဟာ
ရှေးကရှိခဲ့ဖူးတဲ့ ကုသိုလ်ကံတွေကို အကျိုးပေးခွင့်မသာအောင် တားမြစ်တတ်တယ်။ လုပ်သမျှအဆင်
မပြေတာတွေ ကြံတိုင်းအောင်ဆောင်တိုင်းမမြောက်တာတွေ ``ကံမရှိဥာဏ်ရှိတိုင်းမွဲဆိုတာတွေဟာ
ဒီလို အကုသိုလ်ကံရဲ့တားဆီးပိတ်ပင်မှုတွေပါပဲ။ အရှင်ဒေ၀ဒတ်ဟာ မူလက မဟဂ္ဂုတ်ဈာန်ရပြီးသား
ပုဂ္ဂိုလ်ပါ။ အဇာတသတ်နဲ့ပေါင်းပြီး ဘုရားရှင်ကိုပြစ်မှားခဲ့တဲ့ အကုသိုလ်ကံတွေကြောင့် လုံးဝနလန်
မထူတော့တဲ့ဘ၀ ရောက်ရတာပါပဲ။
ကျေးဇူးရှင်မိုးကုတ်ဆရာတော်ဘုရားကြီးကလည်း ကံဖြတ်တဲ့အလုပ်ကိုလုပ်ဖို့ အမြဲတိုက်တွန်းတော်
မူပါတယ်။ ကံကိုဥာဏ်နဲ့ဖြတ်ဖို့။ ဥာဏ်နဲ့ဖြတ်ဖို့ဆိုတာက ၀ိပဿနာရှုပစ်။ ကုသိုလ်သင်္ခါရဖြစ်ဖြစ်
အကုသိုလ်သင်္ခါရဖြစ်ဖြစ် မဂ္ဂင်ရှစ်ပါးနဲ့ဝိပဿနာရှုပစ်ဆိုကတည်းက သင်္ခါရပစ္စယာ ၀ိညာဏံ-
ပဋိသန္ဓေ၀ိညာဏ်မလာတော့ဘူး။ တဏှာဥပါဒါန်လာတော့လဲရှုပစ်ဆိုတော့ ကမ္မဘ၀ပစ္စယာ ဇာတိ
ပဋိသန္ဓေမနေရတော့ဘူးပေါ့။
ဒါကြောင့်ဒါနပြုတယ်။ သီလဆောက်တည်တယ်။ ဘာဝနာပွားတယ်ဆိုတာ ကံကိုအပြောင်းအလဲလုပ်တဲ့
လုပ်ငန်းတွေပါ။
အလားတူပဲ သူ့အသက်သတ်မှု၊ ခိုးမှု၊ မူးယစ်သောက်စားမှုစတဲ့ ဒုစရိုက်လုပ်ငန်းတွေဟာလည်း ဒါန၊ သီလ၊
ဘာဝနာလုပ်ငန်းတွေကိုတားဆီးပိတ်ပင်တတ်တယ်ဆိုတာ အထူးပြောဖို့မလိုတော့ပါဘူး။
ဒီတော့ကုသိုလ်ကံ အကုသိုလ်ကံနှစ်မျိုးစလုံး အပြောင်းအလဲဖြစ်နိုင်တယ်ဆိုတာ တစ်ထစ်ချမှတ်သားနိုင်
ပါတယ်။
အောင်ဆန်းဆရာတော် ဘဒ္ဒန္တကိတ္တိသာရဖြေကြားသည်
အပ္ပမာဒ ( အတွဲ ၇၊ အမှတ် ၂ )