သူတစ်ပါး၏ အလှူဒါနကို တားမြစ်သူအတွက် အန္တရာယ် (၃) မျိုး အလှူမြစ်​တား (၃)ပါး အန္တရာယ်​

ဘုရားရှင်နှင့် ဝစ္ဆပရိဗိုဇ်တို့ ဆွေးနွေးခန်း
(ဝစ္ဆဂေါတ္တသုတ္တန်)[၂]
- - - - - - - - - - - - - - - - - -
သူတစ်ပါး ပေးလှူနေတာကို ပုဂ္ဂိုလ် တစ်ယောက်က တားမြစ် တတ်တယ်။ ဒကာကြီးတွေက လှူချင်ရင် ဒကာမကြီး တွေက ကန့်ကွက်တယ်။ ဒကာမကြီး တွေက လှူချင်ပြီဆိုရင် ဒကာကြီးက ကန့်ကွက်တယ်။ သားသမီး တွေက လှူချင်ရင် မိဘတွေက ကန့်ကွက်တယ်။ မိဘတွေက လှူချင်ရင် သားသမီး တွေက ကန့်ကွက်တယ် စတဲ့ ပုံစံမျိုးပဲနော်။ သူတစ်ပါး ပေးလှူတော့မယ် ဆိုရင် ထိုပေးလှူနေတဲ့ အလှူဒါနကို လာပြီး တားမြစ်တယ်။ အဲဒီ တားမြစ်တဲ့ ပုဂ္ဂိုလ် ဘာလုပ်တာလဲ?

အန္တရာယ် (၃)မျိုး, ဘေးဥပါဒ် (၃)မျိုးကို ပြုလုပ်နေတဲ့ ပုဂ္ဂိုလ် ဖြစ်တယ်။ သူတစ်ပါး ပေးလှူနေတဲ့ အလှူဒါနတစ်ခုကို သွားပြီး တားမြစ်ရင် ဒီတားမြစ်တဲ့ ပုဂ္ဂိုလ်သည် အန္တရာယ် (၃)မျိုးကို ပြုလုပ်နေတာ ဖြစ်တယ်လို့ ဘုရားရှင်က ဟောကြား တော်မူပါတယ်။ အဲဒီ (၃)မျိုးဆိုတာက ဘာတွေလဲ?

၁။ ဒါနကုသိုလ်၏ အန္တရာယ် ဒါနဆိုတာက လှူခဲ့မယ် ဆိုရင် အလှူရှင် ဒါယကာမှာ ကုသိုလ်တရားတွေ တိုးပွားမယ့် လုပ်ငန်း ဖြစ်တယ်။ အလှူရှင် ဒါယကာက လှူဖွယ်ဝတ္ထု ပစ္စည်း တစ်ခုကို လှူတော့မယ်ကြံရင် မလှူဖို့ရန် ကန့်ကွက်တယ်။ လှူမယ်ဆိုတဲ့ အလှူရှင် အတွက် ကုသိုလ်တရားတွေ ဖြစ်ဦးမလား? မဖြစ်ဘူး။ ကုသိုလ် ခေါ်တဲ့ ပုည= ကောင်းမှု ကိုယ်သိုလ် တရားတွေ မဖြစ်ပေါ်အောင် အန္တရာယ် ပြုလုပ်နေတဲ့ လုပ်ငန်း တစ်ခု ဖြစ်တယ်။ ဒါက နံပါတ် (၁)နော်။ နံပါတ် (၂) ကတော့ ဘာလဲ?

၂။ လာဘ်လာဘ၏ အန္တရာယ် အလှူခံ ပုဂ္ဂိုလ်တွေ ရသင့် ရထိုက်တဲ့ လာဘ်လာဘရဲ့ အန္တရာယ်ကိုလည်း ပြုလုပ် တတ်တယ်။ မဟုတ်ဘူး လား? ဟုတ်နေတယ် နော်။ ဒါက နံပါတ် (၂)။ နံပါတ် (၃)ကျတော့ ဘာလဲ?

၃။ မိမိကိုယ်ကို မိမိ တူးဖြိုနေသူ အဲဒီလို ကန့်ကွက် နေတဲ့ ပုဂ္ဂိုလ်ကို လှမ်းကြည့်နော်။ သူဟာ ကျေနပ်လို့ ကန့်ကွက် တာလား, မကျေနပ်လို့ ကန့်ကွက် တာလား? မကျေနပ်ဘူး။ မကျေနပ်တာမှာ သူ့မှာ လောဘကြောင့် မကျေနပ်တာလည်း ရှိချင်ရှိမယ်၊ ဒေါသကြောင့် မကျေနပ်တာလည်း ရှိချင်ရှိမယ်၊ ဣဿာ, မစ္ဆရိယတွေ ကိုယ့်ထက်သာ မနာလိုတဲ့ စိတ်ထားတွေ, ၀န်တိုတဲ့ စိတ်ထားတွေ ကြောင့် မကျေနပ်တာလည်း ရှိချင် ရှိမယ်နော်။ လောဘ, ဒေါသ, မောဟ, ဣဿာ မစ္ဆရိယစတဲ့ ဒီအကုသိုလ် တရားတွေ ၀င်ပြီး နှောင့်ယှက် ခံနေရတဲ့ ပုဂ္ဂိုလ်ဟာ မိမိကိုယ်ကို မိမိ ရှေးမဆွတည်းက မိမိ ဂုဏ်သိက္ခာတွေ ကျဆင်း သွားအောင် ကြိုတင်ပြီးတော့ တူးဖြို နေတာပဲ။

သိပ်လောဘကြီး တာပဲ၊ သိပ်ဒေါသကြီး တာပဲ၊ သိပ်မောဟ ထူပြောတာပဲ၊ သိပ်ပြီးတော့ ဣဿာ, မစ္ဆရိယတွေ များပြားတာပဲ စသည်ဖြင့် ဘေးပုဂ္ဂိုလ် တွေက ဝေဖန်ကြတော့မယ်။ မိမိမှာ ရှိရင်းစွဲဖြစ်တဲ့ သီလ, သမာဓိ, ပညာ ဂုဏ်သိက္ခာ တွေ အားလုံး ကျဆင်းသွားတာပဲ။ ဒီကိလေသာ လက်နက် တွေနဲ့ မိမိကိုယ်ကို မိမိ တူးဖြို နေပြန်တယ်။ ဘယ်လို တူးဖြို တာလဲ? တူးတယ် ဖြိုတယ်ဆိုတာ ဒကာကြီးတွေ ကြည့်စမ်းကြည့်, တူးလို့ရှိရင် ဘာဖြစ်သွားလဲ? တွင်းက ဘာဖြစ်သွားလဲ? တူးလေ နက်လေပဲ။ မိမိ နက်တဲ့ နေရာကို ဆင်းသွားဖို့ရန် အတွက် ကိုယ့်ကိုယ်ကို တူးဖြိုနေတာပဲ။ လက်နဲ့ ယက်ပြီးတော့ အောက်ကို ဆင်းနေတဲ့ ပုံစံပဲနော်။

ဒီတော့ သူတစ်ပါး ကောင်းမှု ကုသိုလ်ကို ကန့်ကွက် ရုံလေးနဲ့ပဲ ဘာကြောင့် ဒီလို လက်နဲ့ယက်ပြီး အောက်ကို ဆင်းရမလဲလို့ ဒီလိုတော့ မေးစရာ ရှိတယ်။ မေးစရာရှိတဲ့ အခါကျတော့ အဖြေကတော့ သူတစ်ပါး တို့ရဲ့ ကောင်းမှု ကုသိုလ်ကို ကန့်ကွက် တားမြစ်နေတဲ့ ပုဂ္ဂိုလ်ရဲ့ သန္တာန်မှာ လောဘ, ဒေါသ, မောဟ စတဲ့ အကုသိုလ် တရားတွေက နည်းပါးလို့ ကန့်ကွက် တာလား, များပြားလို့ ကန့်ကွက် တာလားလို့ မေးရင် များပြားတဲ့ ထုထည်တွေ ရှိတယ်နော်။

အလှူခံပုဂ္ဂိုလ်အပေါ်မှာ မကျေနပ်လို့ ဒေါသဖြစ်လို့ ဒေါသကို အခြေခံ ပြီးတော့ သို့မဟုတ် လှူဖွယ် ၀တ္ထု အပေါ်မှာ တွယ်တာ တပ်မက်တဲ့ လောဘ ဖြစ်နေလို့ လောဘကို အခြေခံပြီးတော့ ကန့်ကွက် နေတာလည်း ဖြစ်ချင် ဖြစ်မယ်။ အလှူခံ ပုဂ္ဂိုလ်, အလှူပေးတဲ့ ပုဂ္ဂိုလ် နှစ်ဖက်လုံး အပေါ်မှာ မကျေနပ်လို့ ကန့်ကွက် နေတာ လည်း ဖြစ်ချင်ဖြစ်မယ်။ နောက်တစ်ခု ကတော့ ဣဿာ = မလို မုန်းထားတဲ့ စိတ်ထား။ မစ္ဆရိယ = ၀န်တိုတဲ့ စိတ်ထား တွေကြောင့် ကန့်ကွက် နေတာတွေလည်း မဖြစ်နိုင် ဘူးလား? ဖြစ်နိုင်တယ်။ မာန = ကိုယ့်ထက် သာသွားမှာ စိုးလို့။ အလှူရှင်က ဒီလိုလှူလိုက်လို့ ရှိရင် ကိုယ်က နည်းနည်း လှူနိုင်တယ်။ သူက များများ လှူနိုင်တော့ ကိုယ့်ထက်သာ မနာလိုလို့ မကျေနပ်လို့ ကန့်ကွက် တာတွေလည်း မရှိနိုင်ဘူးလား? ရှိနိုင်တယ်။

အဲဒီလို လောဘ, ဒေါသ, မောဟ, ဣဿာ,
မစ္ဆရိယ တရား တွေကို တိုးပွားအောင် ဖြည့်ကျင့် ဆည်းပူး နေတဲ့ ပုဂ္ဂိုလ်သည် မိမိကိုယ်ကို မိမိ တူးဖြို နေတဲ့ပုဂ္ဂိုလ်။ မိမိကိုယ်ကို မိမိ ညှဉ်းပန်း နှိပ်စက်နေတဲ့ပုဂ္ဂိုလ် ဖြစ်တယ်။ အဲဒီလို တူးဖြိုနေတဲ့ ပုဂ္ဂိုလ်ရဲ့ လားရာ ဂတိသည် ကောင်းတဲ့ဂတိ ဖြစ်နိုင်ပါ့မလား? မဖြစ်နိုင် ဘူးပေ့ါ။

#ဖားအောက်တောရဆရာတော်

DATE:27.OCT.2016. AM.4:37
မဟာဗောဓိနိဗ္ဗာနပစ္စယောဟောတု . . .

Bhikkhu's Dhamma