ထားခြင်း ခံနေရသည်။
ထိုအဖုံးလေးမျိုးမှာ
၁။ နာမပညတ်ခေါ်သည့် အမည်ဖုံးနေခြင်း။
၂။ သန္တတိပညတ်ခေါ်သည့် အစဉ်အတန်းဖုံး
နေခြင်း။
၃။ သမူဟပညတ်ခေါ်သည့် အပေါင်းအစုဖုံး
နေခြင်း။
၎။ သဏ္ဍာနပညတ်ခေါ်သည့် အသွင်သဏ္ဍာန်
ဖုံးနေခြင်းတို့ဖြစ်သည်။
လောကလူသားတို့သည် ထိုလေးမျိုးတို့ဖြင့် ဖုံး
ထားခြင်းခံနေရသောကြောင့်အမှန်တကယ်အရှိ
တရားကိုမမြင်နိုင်ဘဲဖြစ်နေကြသည်။
နာမပညတ် = လောက၌အရာဝတ္ထုမှန်သမျှသည်
အမှန်တကယ်ပရမတ်တွေချည်းဖြစ်ကြသည်။ ထို
ပရမတ် သဘောတို့ဖြင့် နာမည် ခေါ်ဝေါ်၍ မဖြစ်၊
စကားပြောဆို၍ မဖြစ်၊ ထိုသို့ မဖြစ်သဖြင့် ငါ သူ
တစ်ပါးယောက်ျား မိန်းမ ပုဂ္ဂိုလ် သတ္တ၀ါ မောင်ဖြူ
မောင်မဲ စသည်ဖြင့် နာမည် အသီးသီး တပ်ကြရပါ
သည်။
ကြာမြင့်လာသည့်အခါ သတ္တ၀ါများသည် မူလ
ပရမတ်အပေါ်တွင် စိတ်မရောက်ကြ၊ နာမည်တွင်
သာ စိတ်စွဲသွားတတ်ကြသည်။ ထိုအခါ နာမည်
တွင် ရိုးရိုး စွဲရုံတင် မဟုတ်၊ နာမည်က ခိုက်သည်၊
နာမည်ကြောင့်အကျိုးပေးဆိုးသည်။ နာမည်ကြောင့်
အဆင်မပြေမှုဖြစ်သည် စသည်ဖြင့် အစွဲ ထင်လာ
တတ်ကြသည်။ ထို့ကြောင့် နာမည်ပြောင်းခြင်း၊
နာမည်ရွေးခြင်းများ ရှုပ်ထွေးကြတော့သည်။
ဆိုလိုသည်မှာ မူလဖြစ်သည့် ခန္ဓာငါးပါး သို့မဟုတ်
နာမ်ရုပ်တရားဟုခေါ်သည့် ပရမတ်ကို မမြင်ရလေ
အောင် မောင်ဖြူ၊ မောင်မဲစသည့် နာမည်ပညတ်
များက ပရမတ် အမှန်တရားကို ဖုံးထားလိုက်ခြင်း
ဖြစ်သည်။
သန္တတိပညတိ = အစဉ်အတန်းဖုံးထားခြင်း။
ပရမတ္တ သဘာဝ အစစ်အမှန်တရားသည် တစ်ခုနှင့်
တစ်ခုတစပ်တည်းမဟုတ်၊ အပြတ်တွေသာ ဖြစ်ကြ
သည်။ သို့သော် တဆက်တည်းဟု ထင်ရလောက်
အောင် ဖြစ်ပျက်မှုက မြန်လွန်းသဖြင့် တဆက်တည်း
ထင်မှတ်နေတတ်ကြသည်။
ဥပမာအနေဖြင့် ပြောရလျှင် လူ တစ်ယောက်သည်
မီးစတစ်ခုကို မှောင်မိုက်သည့် ညဥ့်အခါ အဝေးက
နေ၍စက်ဝိုင်းပုံသဏ္ဍာန်ဖြစ်အောင် မြန်နိုင်သမျှ မြန်
မြန်လှည့်ပြလိုက်သည့်အခါ မသိသူများသည် မီးစက်
ဝိုင်းဟု ထင်ရသကဲ့သို့တည်း။ ဤသဘောသည်
ပရမတ်အမှန်တရားကို သန္တတိပညတ်ကဖုံးထားခြင်း
ဖြစ်သည်။
သမူဟပညတ် = အပေါင်းအစုကဖုံးအုပ်ထားခြင်း။
ပရမတ် သဘာဝ၌ ရုပ်တရားသည် သူ့ ဘာသာသူ၊
သူ့ကလာပ်စည်းနှင့်သူတစ်ခုပြီးမှတစ်ခုဖြစ်နေသည်။
စိတ်လည်းထို့အတူဖြစ်သည်။ တစ်စိတ်ပြီးမှတစ်စိတ်
ဖြစ်နေသည်။ အပေါင်းအစုဟူ၍မရှိပါပဲလျှက် အပေါင်း
အစုဟူ၍ ထင်မှတ်နေကြသည်။ အထူးသဖြင့် ရုပ်
အပေါ်၌ ရုပ်တုံးကြီး၊ ရုပ်ခဲကြီးဟု ထင်မှတ်နေခြင်း
သည် သမူဟပညတ် ဖုံးထားခြင်း ဖြစ်သည်။ ဖုံးအုပ်ခံ
ထားရခြင်းဖြစ်သည်။
သဏ္ဍာနပညတ် = အသွင်သဏ္ဍာန်ဖုံးကွယ်ထားခြင်း။
ပရမတ္တသဘာဝ၌ ယောက်ျားသဏ္ဍာန်၊ မိန်းမသဏ္ဍာန်၊
ခွေးသဏ္ဍာန်၊ နွားသဏ္ဍာန်၊ ငှက်သဏ္ဍာန်၊ ဦးခေါင်း သ
ဏ္ဍာန်၊ လက်သဏ္ဍာန် စသည်ဖြင့်မရှိ။ ထိုသဏ္ဍာန်
သည် ပရမတ္တသဘာဝ၏ တည်နေဟန်ကိုလိုက်၍ ခေါ်
ဆိုနေခြင်းဖြစ်သည်။ အမှန်တကယ် အရင်းခံပရမတ်မှာ
သဏ္ဍာန်အနေဖြင့်မရှိ။
ဥပမာ မြေမှုန့်များကိုစု၍ ရေဖြင့် နှယ်ပြီးသောအခါ
အမှုန့်များကို နွားရုပ် လုပ်လျှင် နွားရုပ် ခေါ်နိုင်သည်။
ဆင်ရုပ်လုပ်လျှင် ဆင်ရုပ်ခေါ်နိုင်သည်။ လူရုပ်လုပ်လျှင်
လူရုပ်ခေါ်နိုင်သည်။ ကျားရုပ်လုပ်လျှင် ကျားရုပ်ခေါ်နိုင်
သည်။ မိမိပြုလုပ်ချင်သည့် အရုပ်များကို ပြုလုပ်၍ ခေါ်
နိုင်ကြသည်။ ဤသည်ကိုပင် သူ့တည်နေဟန်ကို
လိုက်၍ အမျိုးမျိုးခေါ်ဆိုနေခြင်းဖြစ်သည်။
ထို့အတူပင် ဖြစ်သည်။ ပရမတ်များကိုလည်း သူတို့
၏တည်နေရာကို လိုက်၍ လူဟု ခေါ်ချင်ခေါ်ကြသည်။
နတ်ဟု ခေါ်ချင် ခေါ်ကြသည်။ အိမ် ကျောင်း ဇရပ်
ဓမ္မာရုံ အသီးသီးခေါ်ကြသည်။ သို့သော်မူလပရမတ်
သည် လူလည်းမဟုတ်၊ နတ်လည်းမဟုတ်၊ အိမ်
ကျောင်း ဇရပ် ဓမ္မာရုံလည်းမဟုတ်ပေ။
သတ္တ၀ါတို့သည် ထိုသဏ္ဍာန်များကိုသာ မျက်မှန်းတန်း
မိလျက် အချိန်ပေါင်းများစွာ ကမ္ဘာပေါင်းများစွာ အမှား
ကြာလာတော့ အမှန်ဖြစ်သည်။ တ ကယ့် အစစ်အမှန်
ပရမတ်များကိုမူ မမြင်ကြတော့ဘဲ သဏ္ဍာန်ပညတ်တို့
အပေါ်၌ ထင်မြင် စွဲလမ်း နေကြပေတော့သည်။ ဤ
သဘောသည် ပရမတ်အမှန်ကို သဏ္ဍာန်ပညတ်က ဖုံး
အုပ်ခံထားရခြင်းဖြစ်သည်။
ဒေါက်တာအရှင်လာဘသာမိ - မြတ်ဓမ္မ
ပြစ်မှားသူနှင့် အပြစ်ဒဏ် စာအုပ်မှ
No comments:
Post a Comment