ပစ္စည်းရလိုမှုကြောင့် စကားရိပ်ပြောတာ၊ ပရိယာယ်နဲ့ပြောတာပေါ့။ ရိပ်ပြိးတော့ပြောတာပေ့ါ။ ရိပ်တယ်ဆိုတာ စောင်းချိတ်ပြီးမရရအောင်ပြောတာပေါ့။ အဲ့ဒါ `ပရိကထာ´`သြဘာသ´`နိမိတ္တ´လို့ခေါ်တယ်။ တိုက်ရိုက်တောင်းတာမဟုတ်ဘူး။ စောင်းချိတ်ပြောတဲ့ပုံဝတ္ထုလေးတောင်ရှိသေးတယ်။ အဲဒါကို သာမန္တဇပ္ပ(နီးစပ်အောင်ပြောခြင်း)လို့ဆိုတယ်။
#ပုံဝတ္ထုလေးတစ်ခု
ဘုန်းကြီးတစ်ပါး အိမ်ကြွကြွလာတတ်တဲ့ အလေ့ရှိတယ်။ အိမ်တစ်အိမ်ဝင်တယ်။ ဆွမ်းစားချိန်ဝင်လာတဲ့အခါ ဆွမ်းလှူရမယ်။ အိမ်ရှင်ဒကာမကြီးက မလှူချင်ဘူး။ မလှူချင်တော့ `ဒီကိုယ်တော်ကလည်း ဆွမ်းချိန်ကြီးတောင် ကြွလာတယ်´ဆိုပြီး ကြားအောင် ဒီလိုပြောတယ်။ `အိုးထဲမှာ ဆန်မရှိဘူး´တဲ့။ `ဆန်သွားချေးဦးမယ်´ဆိုပြီးတော့ အိမ်အပြင်ထွက်သွားတယ်။
ကိုယ်တော်ကလည်း မပြန်ဘူး။ ဒကာမကြီးပြန်လာသည်အထိ အိမ်မှာရှိနေတယ်။ ဒကာမကြီးအပြင်သွားတဲ့အချိန်မှာ သူက မီးဖိုချောင်ထဲ ၀င်ကြည့်လိုက်တယ်။ ဆန်မရှိဘူးဆိုတာ တကယ်လားလို့။ ဒကာမကြီးက `ဆန်လည်း ဘယ်သူမှချေးမယ့်သူ မရှိဘူး´တဲ့။ `ကိုယ်တော်လည်း ဘာမှကပ်စရာမရှိဘူး´လို့ ညည်းညူပြောဆိုတယ်။
အဲဒီကိုယ်တော်က ဘာပြောတုန်းဆိုတော့ `ဒကာမကြီးရေ ဘုန်းကြီးဒီနေ့ကံမကောင်းဘူးဆိုတာ သိပါတယ်´တဲ့။ `ဟောဒီအိမ်ကိုလာတုန်းလမ်းမှာ မြွေကြီးတစ်ကောင်တွေ့ခဲ့တယ်။ အဲဒီကတည်းက နိမိတ်မကောင်းဘူးလို့ အထင်သား။ အဲဒီမြွေကြီးက ဟောဟိုအခန်းထောင့်မှာထောင်ထားတဲ့ ကြံချောင်းကြီးလောက်ရှိတယ်´တဲ့။ `ဒါနဲ့ ကြောက်အားလန့်အားနဲ့ မြွေကြီးကို ကိုယ့်ဆီမလာအောင် ခြောက်မလို့ခဲရှာလိုက်တဲ့အခါ ခဲလုံးကြီးတစ်လုံးတွေ့တယ်။ အဲ့ဒီခဲလုံးကြီးက ဟိုအိုးထဲမှာထည့်ထားတဲ့ ထန်းလျက်ခဲကြီးလောက်ရှိတယ်။ အဲဒီခဲနဲ့ပစ်လိုက်တဲ့အခါ မြွေကြီးကသွားဖြဲပြတယ်။ အစွယ်တွေထုတ်ပြတယ်။ အဲဒီအစွယ်တွေက ဟိုနားက ဆန်အိုးထဲက ဆန်စေ့လေးတွေလိုပဲ ဖွေးနေတာ။ အဲဒါတင်မကဘူး။ မြွေကြီးကစိတ်ဆိုးပြီး အဆိပ်တွေပန်းထုတ်တာ မြွေဆိပ်တွေက ဟောဟိုအိုးထဲက ထောပတ်တွေအတိုင်းပဲ´။
ဒကာမကြီးက သူ့ပစ္စည်းတွေ ဒီကိုယ်တော်မမြင်ဘူးထင်လို့ပြောတာ။ ဟိုကိုယ်တော်က အကုန်လိုက်ပြီး အိုးတွေဖွင့်ကြည့်ထားတာ။ အဲ့ဒါနဲ့ကြံချောင်းလည်းဖြတ်၊ ထန်းလျက်ခဲလည်း ခြမ်း၊ နောက်ဆန်ယူထမင်းချက်၊ ထောပတ်ကလေးလောင်းထည့်ပြီး ဆွမ်းတစ်နပ်ကပ်လိုက်ရသတဲ့။ အဲဒါ သာမန္တဇပ္ပလို့ ခေါ်တယ်ပေါ့။ ရဟန်းသံဃာတွေမှာ အဲ့ဒီလိုမလုပ်ရဘူးတဲ့။
`ပရိကထာ´ပရိယာယ်နဲ့ပြောတာ။ `သြဘာသ´ပစ္စည်းရလိုမှုနဲ့စပ်ပြောတာ။ `နိမိတ္တ´ Sign ပြတာ။ Sing ပြတယ်ဆိုတာ ဒကာဒကာမတွေလာတဲ့အခါမှာ ကျောင်းတွေရှင်း မြေကွက်လပ်တွေရှင်း `အရှင်ဘုရားအဲ့ဒါဘာဆောင်မလို့တုန်း´ဆိုတော့ `ဒီနေရာ ကျောင်းဆောက်မလို့ဒကာကြီး´။ `ကျောင်းဒကာပေါ်ပြီလားဘုရား´။`ဘယ်ပေါ်ဦးမလဲ´။ အဲဒါမျိုးကို `နိမိတ္တ´လို့ခေါ်တယ်။ ပစ္စည်းလေးပါးနဲ့ပတ်သက်လာလို့ရှိရင် အဲဒီ `ပရိကထာ´တို့၊ `သြဘာသ´တို့၊ `နိမိတ္တ´တို့ မလုပ်ရဘူးတဲ့။
``ပရိကထော ဘာသ၀ိညတ္တိ၊ န လဗ္ဘာ ပစ္စာယဒွယေ´´ဆွမ်းသင်္ကန်းနဲ့ပက်သတ်လာရင် ဒီဟာမျိုးမလုပ်ရဘူးလို့ ဆိုတယ်။ ``ပရိကထော ဘာသ ၀ိညတ္တိ´´ဆွမ်းရယ်၊ သင်္ကန်းရယ် ဒီနှစ်မျိုးနဲ့ပတ်သက်လာလို့ရှိရင် `ပရိကထာ´ဆိုတာ သွယ်ဝိုက်ပြီး မပြောရဘူး။ `သြဘာသ´အရိပ်အယောင်ပြတာ ပစ္စည်းနဲ့စပ်ပြောတာ မလုပ်ရဘူး။ `၀ိညတ္တိ´ တောင်းတာမလုပ်ရဘူး။ ကျောင်းကိုတော့ အရိပ်အယောင်ပြရင် ပြကောင်းတယ်တဲ့။ ဆေးကိုတော့ တောင်းလည်းတောင်းကောင်းတယ်တဲ့။ ၀ိနည်းသိက္ခာပုဒ်တွေမှာ ဒီလိုရှိတယ်။ ပစ္စည်းလေးပါးနဲ့ပတ်သက်ပြီး လုပ်သင့်မလုပ်သင့် ဒီလိုပြထားတယ်။
အဲဒီတော့ တောင်းတာကို ဘုန်းကြီးတွေမှာ ခွင့်မပြုဘူး။ အလှူခံဖို့လျှောက်ထား ဖိတ်ကြားထားတဲ့ ဒကာဒကာမ မဟုတ်လို့ရှိရင် တောင်းခံခွင့်မရှိဘူး။ အဲဒီတော့ `ဘုန်းကြီးကတောင်းတာမဟုတ်ပါဘူး ဒကာဒကာမက သူ့ဘာသာ နှိုးဆော်တာပါ´´ဆိုလို့ရှိရင်လည်း အင်မတန်မြင့်မြတ်တဲ့ ပုဂ္ဂိုလ်တွေက အဲဒီလိုလုပ်တာ မကြိုက်ကြဘူး။ ကိုယ့်အတွက်ဆွယ်တရားဟောတာကို လုံးဝမကြိုက်ဘူး။
#အတုယူဖွယ်ရာရှင်သာရိပုတ္တရာ
ရှင်သာရိပုတ္တရာမထေရ်နဲ့ ရှင်မောဂ္ဂလာန်မထေရ် တောရကျောင်းကလေးမှာ သီတင်းသုံးတယ်။ အဲဒီလိုသီတင်းသုံးနေတဲ့အချိန်မှာ ရှင်သာရိပုတ္တရာလေနာရောဂါဖြစ်တယ်ပေါ့။ ဗိုက်နာတယ်၊ ရှင်မောဂ္ဂလာန်က `အရှင်ဘုရားဗိုက်နာတာ အရင်ဘ၀တုန်းက ဘာနဲ့ပျောက်တုန်း´ဆိုတော့ `ပျားတို့ သကာတို့ ထောပတ်တို့နဲ့ ရောပြီးတော့ နွားနို့နဲ့ကျိုချက်ထားတဲ့ အာဟာရမျိုး အိမ်မှာနေတုန်းက မယ်တော်ကြီးက လုပ်ကျွေးဖူးတယ်´တဲ့။ `အဲဒါလေးနဲ့ပျောက်ဖူးတယ်´တဲ့။ ဒါနှစ်ပါး စကားပြောနေတာ။
အဲဒီလိုပြောတာကို အနီးအနားမှာရှိတဲ့ နတ်က ကြားသွားတယ်။ ရှင်သာရိပုတ္တရာကိုကိုးကွယ်တဲ့ ဒကာဒကာမအိမ်ကိုသွားပြီးတော့ ကလေးတစ်ယောက်ကိုဝင်ပူးတယ်။ နတ်ကတော်က မေးတဲ့အခါမှာ သူက ဘာပြောလဲဆိုရင် `မနက်ကျ အရှင်သာရိပုတ္တရာကို အဲဒီအာဟာရမျိုးကပ်လို့ရှိရင် သူလွှတ်မယ်ပေါ့´ဆိုတော့ အိမ်ရှင်တွေကပြောတာပေါ့။ `တို့က ရှင်သာရိပုတ္တရာရဲ့ဒကာဒကာမတွေပဲ။ တို့ကပ်နေကျပဲ။ ဘာမှအပန်းကြီးတဲ့ကိစ္စ မဟုတ်ဘူး´လို့ပြောတယ်။
နောက်ရက်ကျတော့ ရှင်သာရိပုတ္တရာက မကျန်းမာလို့ ကျောင်းမှာပဲကျန်ရစ်တယ်။ ရှင်မောဂ္ဂလာန်က ဆွမ်းခံရင်း အဲဒီအိမ်ကိုကြွသွားတယ်။ အဲဒီအိမ်ကဒကာဒကာမတွေက အဆင်သင့်နတ်ပြောတဲ့အတိုင်း အကုန်လုပ်ထားတယ်။ ရှင်မောဂ္ဂလာန်ကိုကပ်တယ်။ ရှင်မောဂ္ဂလာန်ကတော့မစဉ်းစားဘူး။ မစဉ်းစားရင် မသိဘူး။ ကပ်တော့ ဘုန်းပေးလိုက်တယ်ပေါ့။ ရှင်သာရိပုတ္တရာအတွက် ဒကာဒကာမတွေက ထည့်ပေးလိုက်တယ်။
ကျောင်းရောက်တဲ့အခါ ရှင်သာရိပုတ္တရာက `ငါပြောတဲ့အတိုင်း ရနေပါလား ဘယ်လိုရတာလဲ။ သူ့ဘာဝအတိုင်း ရတာလား´လို့ စဉ်းစားကြည့်လိုက်တဲ့အခါ နတ်ရဲ့ပယောဂပါနေတာကို သိရတယ်။ ရှင်သာရိပုတ္တရာက တစ်ခွန်းထဲပဲပြောတယ်။ `ငါ့ရှင်မောဂ္ဂလာန် ဒီအာဟာရ မစင်ကြယ်ဘူး မစားထိုက်ဘူး´တဲ့။
`ဒီနို့ဃနာထမင်းဟာ မစားထိုက်ဘူး။ မစင်ကြယ်ဘူး´လို့ဆိုတော့ ရှင်မောဂ္ဂလာန်ကလည်း မစင်ကြယ်ဘူးဆိုတော့ ဘာဖြစ်လို့တုန်း ညာဖြစ်လို့တုန်း မေးမနေဘူး။ သပိတ်ကိုယူပြီးတော့ ချက်ချင်းသွားသွန်ပစ်လိုက်တာပဲ။ အဲဒီသပိတ်ထဲက နို့ဃနာတွေသွန်ပစ်လိုက်တာနဲ့တပြိုင်တည်း ရှင်သာရိပုတ္တရာရဲ့စွဲကပ်နေတဲ့ လေနာရောဂါလည်း ပျောက်သွားတယ်တဲ့။
အဲဒီမှာရှင်သာရိပုတ္တရာက ပြောတယ်။ `ဗိုက်နာလို့ငါ့ရဲ့အူတွေ အပြင်ထွက်ချင်ထွက်သွားပါစေ မအပ်စပ်တဲ့ပစ္စည်းကို ငါမသုံးဘူး။´
ဘုန်းကြီးတို့အဲ့ဒီလောက်မကျင့်နိုင်ရင်တောင်မှပဲ ဒီမထေရ်မြတ်ကြီးကျင့်တာကို အတုယူအားကျကြရမှာပဲ။ ဒါကြောင့်မို့လို့ဆွယ်တရားဟောလို့ ရလာတဲ့ဟာတွေဟာ ဘယ်အရာမှကောင်းတာမရှိဘူး။ ဒါကြောင့်မို့ဒါတွေလည်း သတိပြုဖို့ကောင်းတယ်။
ဒေါက်တာအရှင်နန္ဒမာလာဘိဝံသ
ဟောသူနာသူစိတ်ထားဖြူတရားတော်မှ ထုတ်နှုတ်ပူဇော်ပါသည်။
ဓမ္မဒါန-ဓမ္မပန်းခင်း
No comments:
Post a Comment