နှုတ်ကမရွတ်ဆိုပဲ စိတ်နှင့်သီလဆောက်တည်လို့ရနိုင်ပါသလား။ စိတ်ကဆောက်တည်လို့ သီလဆောက်တည်မှုဖြစ်နိုင်ပါသလား။
သတ္တ၀ါတွေမှာ ကိုယ်အလုပ်ဖြစ်တဲ့(ကာယကံ)၊ နှုတ်အပြောဖြစ်တဲ့(၀စီကံ)၊ စိတ်အကြံဖြစ်တဲ့(မနောကံ)ရယ်လို့ သုံးမျိုးရှိပါတယ်။ ဒီသုံးမျိုးထဲက ကိုယ်အလုပ် (ကာယကံ) နှုတ်အပြော(၀စီကံ)တွေဟာ အကြောင်းအမျိုးမျိုးကြောင့်ချို့ယွင်းမှုဖြစ်တတ်ပါတယ်။ ဆိုင်ရာအလုပ်ကိုမလုပ်နိုင်ဖြစ်တတ်ပါတယ်။ ဥပမာ အသက်အရွယ်ကြီးရင့်လို့ဖြစ်စေ။ကျန်းမာရေးချို့ယွင်းလို့ဖြစ်စေ။
ကိုယ်လက်လှုပ်ရှားမှုမပြုနိုင် စကားပြောနိုင်တဲ့အဖြစ်တွေပေါ့။
သီလဆောက်တည်တဲ့ကိစ္စကိုကြည့်ကြစို့ သီလဆောက်တည်ရင် နှုတ်ကပဲရွတ်ဆိုဆောက်တည်မှသာသီလ
ဆောက်တည်ရာ ရောက်တယ်။ ဘာကြောင့်လဲဆိုရင် ငါးပါးသီလ ရှစ်ပါးသီလ
ဆောက်တည်တဲ့အခါ ကိုယ်တိုင်လဲ နှုတ်က ရွတ်ဆိုဆောက်တည်ပြီး အများသူငါလဲနှုတ်က
ရွတ်ဆိုဆောက်တည်တာကိုပဲ မြင်ရကြားရ တွေ့ရလို့ပါပဲ။
ထင်မယ်ဆိုရင်ထင်လောက်တဲ့အနေအထားပေါ့။ နှုတ်က ရွတ်ဆို ဆောက်တည်တာကိုပဲ ကိုယ်တိုင်လုပ်ဖူး သူများလုပ်တာကိုလဲတွေ့ဖူးမြင်ဖူးကြတာကိုး။
ငါတော့ဖြင့် ဒီကိစ္စ ဒီကိစ္စတွေကို မလုပ်ပါဘူးလို့ဆုံးဖြတ်ပြီး
အဲဒီကိစ္စကို မလုပ်မိအောင်ရှောင်ကြဉ်မှု၊ စောင့်ထိန်းမှုကို
သီလလို့ခေါ်တယ်လို့ ပြောခဲ့ပြီးဖြစ်ပါတယ်။ ဒါကြောင့်
ဒီလိုဆုံးဖြတ်ချက်ရှိရင် ကိုယ်(ကာယကံ)ဖြင့်ဖြစ်စေ။ နှုတ်(၀စီကံ)ဖြင့်ဖြစ်စေ၊
စိတ်(မနောကံ)ဖြင့်ဖြစ်စေ ဆောက်တည်ရင် သီလဆောက်တည်ရာရောက်ပါ
တယ်။
ဥပမာ ကျန်းမာရေးကြောင့်ဖြစ်စေ အသက်အရွယ်အရဖြစ်စေခန္ဓာ ကိုယ်မလှုပ်ရှားနိုင်သူဆိုပါစို့။ သူကသီလဆောက်တည်ချင်တယ်ဆိုရင် လက်အုပ်ချီမှု ဒူးတုတ်မှု ရှိခိုးမှုစသည်မပြုနိုင်ပေမဲ့ သိက္ခာပုဒ်တွေကိုစောင့်ထိန်းမယ်လို့ဆုံးဖြတ်ပြီး ရဟန်းတော်ချပေးတဲ့သိက္ခာပုဒ်ကို ရွတ်ဆိုဆောက်တည်ရင် သီလဆောက်တည်ရာရောက်
ပါတယ်။ ဆောက်တည်မှုအထမြောက်ပါတယ်။
ကိုယ်လက်တော့လှုပ်ရှားနိုင်တယ် နှုတ်ကမပြောနိုင်သူဆိုပါစို့။ ငါးပါးသီလဖြစ်ရင်လဲ သိက္ခာပုဒ်ငါးပါး၊ ရှစ်ပါးသီလဖြစ်ရင်လဲသိက္ခာပုဒ်ရှစ်ပါးကိုထိန်းသိမ်းမယ်လို့ဆုံးဖြတ်ထားတယ်။ ရဟန်းတော်ကသိက္ခာပုဒ်တွေကိုချပေးတဲ့အခါ စောင့်ထိန်းပါမယ်လို့ ကိုယ်အမှုအရာနှင့်ပြတယ်ဆိုရင် သီလဆောက်တည်ရာရောက်ပါတယ်။ သီလ
ဆောက်တည်မှုအထမြောက်ပါတယ်။
ဥပမာ ရဟန်းတော်က ပါဏာတိပါတာ ဝေရမဏိသိက္ခာပဒံ သမာဒိယာမိလို့ချပေးရင် သူကလည်းလိုက်ဆိုတဲ့အနေနဲ့ လက်ချောင်းတစ်ချောင်းချိုးတာမျိုးပေါ့။
ကိုယ်လက်လှုပ်ရှားမှုလည်းမပြုနိုင် နှုတ်ကလည်းမပြောနိုင်သူဆိုပါစို့ငါးပါးသီလဖြစ်ရင်လဲ သိက္ခာပုဒ်ငါးပါး၊ ရှစ်ပါးသီလဖြစ်ရင်လဲသိက္ခာပုဒ်ရှစ်ပါးကိုစောင့်ထိန်းမယ်လို့ဆုံးဖြတ်ပြီး ရဟန်းတော်ချပေးတဲ့သိက္ခာပုဒ်တွေကို စိတ်ထဲကရွတ်ဆိုဆောက်တည်ရင်လည်းသီလဆောက်တည်မှုအထမြောက်ပါတယ်။ ဒီလိုဆောက်တည်လို့
ရကြောင်း အဋ္ဌသာလိနီ အဋ္ဌကထာမှာ အတိအလင်းဖွင့်ပြထားပါတယ်။ လယ်တီဆရာတော်ဘုရားကြီးကလည်းမကျန်းမာသူတို့မှာလည်း မနောဒွါရ (စိတ်)ဖြင့်ခံယူ (ဆောက်တည်)မှုရထိုက်ပါ၏။ ပေးသူမရှိဘဲ မိမိအလိုအလျောက်လည်း ဒွါရသုံးပါးတွင်တစ်ပါးပါးဖြင့် (ကိုယ်၊ နှုတ်၊ စိတ် တစ်မျိုးမျိုးဖြင့်) ဆောက်တည်ကောင်းပါ
၏လို့ အဋ္ဌကထာအဖွင့်ကို ကိုးကားပြီးမိန့်ဆိုထားပါတယ်။
ဒါကြောင့်ကျန်းမာရေးကြောင့်ဖြစ်စေ အသက်အရွယ်ကြောင့်ဖြစ်စေ ကိုယ်လက်မလှုပ်ရှားနိုင်သူ နှုတ်ကမပြောမဆိုနိုင်သူများအဖို့ သီလဆောက်တည်မှုနှင့်ပါတ်သတ်လို့ စိတ်အားငယ်စရာမလိုပါဘူး။
သီလတရားဟာမိမိရဲ့အားကိုးစရာ ဘ၀အတွက်ထောက်တည်ရာလို့သိမြင်ပြီး ရဟန်းတော် ရှိသည်ဖြစ်စေ မရှိသည်ဖြစ်စေ ကိုယ်နှုတ်စိတ် တစ်မျိုးမျိုးနှင့် ဆောက်
တည်လို့ရကြောင်းသိနိုင်ပါတယ်။
အရှင်နန္ဒသေနာလင်္ကာရ
ဘာသာရေးအနှစ်သာရများ
No comments:
Post a Comment