ဒါနမွန်တရားတော်(ဓမ္မပန်းချီ)

ဒါနနှစ်မျိုးခွဲပြီးပြောရဦးမယ်။ ဒါနနှစ်မျိုးဆိုတာက
(၁) သာသနာပဒါနနှင့် (၂) သာသနာတွင်းဒါနပါပဲ။ သာသနာပဆိုတာ ဘုရားရှင်ရဲ့အဆုံးအမသြ၀ါဒမရှိတဲ့ဌာနမှာလှူတဲ့ဒါနမျိုး၊ ဘုရားမပွင့်တဲ့ကာလမှာလှူတဲ့ ဒါနမျိုးဖြစ်တယ်။ ဘုရားရှင်ရဲ့သြ၀ါဒမသက်ရောက်တဲ့ဌာန၊ ဘုရားမပွင့်တဲ့ကာလမျိုးမှာ သီလ၊ သမာဓိ၊ ပညာကင်းမဲ့တဲ့အတွက် အလှူခံပုဂ္ဂိုလ်တွေဟာ သြဇာမရှိသော မြေနှင့်တူတယ်။ သြဇာမရှိတဲ့ မြေမှာပစ်ချသောမျိုးစေ့ဟာ အောင်အောင်မြင်မြင် ဖွံ့ဖွံ့ထွားထွားမကြီးပွားသလို သာသနာပဒါနဟာလည်း အကျိုးတရားမကြီးပွားဘူးတဲ့။ သာသနာတွင်းကာလဆိုတာ သီလ၊ သမာဓိ၊ ပညာတရားထွန်းကားတဲ့အခါဖြစ်တယ်။ သီလ၊ သမာဓိ၊ ပညာထွန်းကားတဲ့အတွက် အဆီသြဇာရှိသော မြေနှင့်တူတယ်။ အဆီသြဇာရှိတဲ့မြေမှာပစ်ချအပ်သောမျိုးစေ့ဟာ အောင်အောင်မြင်မြင် ဖွံ့ဖွံ့ထွားထွားကြီးပွားအောင်မြင်ရသလို သာသနာတွင်းလှူဒါန်းရတဲ့အလှူဒါနဟာလည်း ကြီးကျယ်ဖွံ့ဖြိုးသော တန်ခိုးဂုဏ်အင်အာနိသင်နှင့်ပြည့်စုံတယ်။ သာသနာတွင်းဒါနအလှူဆိုတာ သာသနာတော်ဝန်ထမ်းရဟန်းတော်များကို လှူဒါန်းတဲ့ဒါနဖြစ်တယ်။

သာသနာတော်ဝန်ထမ်းရဟန်းတော်များမှာ သီလ၊သမာဓိ၊ ပညာဆိုတဲ့ အဆီသြဇာများရှိကြတယ်။ ဒါကြောင့်အဆီသြဇာရှိသော လယ်မြေနှင့်တူပါသတဲ့။ သံဃာတော်များရဲ့ဂုဏ်တော်ကိုးပါးမှာ ပုညက္ခေတ္တံ အနုတ္တရံလို့ ဂုဏ်တော်တစ်ပါး ပါဝင်ပါတယ်။ သံဃော-သံဃာတော်သည်၊ အနုတ္တရံ-အတုမရှိမြင့်မြတ်သော၊ ပုညက္ခေတ္တံ-ကောင်းမှုတည်းဟူသောမျိုးစေ့ကို စိုက်ပျိုးရာလယ်ယာမြေကောင်း ဖြစ်တော်မူပါ၏တဲ့။ သံဃာတော်ဟာ ဒါယကာ ဒါယိကာမများလှူဒါန်းတဲ့ဒါနမျိုးစေ့ စိုက်ပျိုးရာလယ်ယာမြေကောင်းနှင့်တူတယ်။ ဒါကြောင့်သံဃာအား လှူဒါန်းရခြင်းဟာ အလွန်အကျိုးကြီးတယ်လို့ ဆိုလိုပါတယ်။

ဒီပုညက္ခေတ္တံ အနုတ္တရံကို သရုပ်ဖော်သောအားဖြင့် ရဟန်းတော်များဝတ်ရုံတဲ့ သင်္ကန်းကိုလယ်ကွယ်သဏ္ဌာန်ချုပ်ကြရတယ်။ ဒီအကြောင်းစကားရောက်ခဲ့လို့ ၀ိနည်းမဟာဝါ စီဝရက္ခန္ဓကမှလာတဲ့ သင်္ကန်းဖွဲ့ပုံအကြောင်းနည်းနည်းပြောရဦးမယ်။

အခါတစ်ပါးဘုရားရှင်ဟာ ညီတော်အာနန္ဒာကို နောက်လိုက်ပြု၍ ဒေသစာရီကြွချီတော်မူရင်း မာဂဓတိုင်းလယ်တောခရီးရောက်တော်မူတယ်။ မိုးရေခံလယ်တောကို ဒေ၀မာတိကလို့ခေါ်တယ်။ ရေသွင်းတဲ့လယ်ကိုတော့ နဒီမာတိကာလို့ခေါ်တယ်။ ဘုရားသခင် ယခုကြွရောက်တော်မူတဲ့လယ်က နဒီမာတိကာလယ်မျိုးဖြစ်တယ်။ နဒီမာတိကာရေသွင်းလယ်မျိုးဖြစ်လို့ လယ်ကိုလေးထောင့်ကျဖွဲ့ပြီး လယ်တစ်ကွက်နှင့်တစ်ကွက်အကြားရေမြောင်းထားတယ်။ ရေမြောင်းနှင့်လယ်ကွက်ဟာ ခရီးဆုံသဏ္ဌာန် လေးကွက်ကျားသဏ္ဌာန်တည်နေတယ်။ မဂဓလယ်ကွက်တည်နေပုံကို မြင်တော်မူတော့ ဘုရားရှင်က ညီတော်အာနန္ဒာ မဂဓတိုင်းသားတို့ရဲ့လယ်ကွက်ကို မြင်ရဲ့လားလို့ မေးတော်မူတယ်။ အရှင်အာနန္ဒာကမြင်ပါတယ်ဘုရားလို့ လျှောက်ထားတော့ အာနန္ဒာ ဤလယ်ကွက်ရဲ့ပုံသဏ္ဌာန်သင်္ကန်းတို့ကို ချုပ်လုပ်နိုင်ပါမည်လောလို့ မေးတော်မူတယ်။ ချုပ်လုပ်နိုင်ပါတယ်ဘုရားလို့ လျှောက်ထားတော့ ချုပ်လုပ်နိုင်လျှင် ချုပ်စမ်းလို့ မိန့်တော်မူတယ်။

ဝေဠုဝန်ကျောင်းတော်ပြန်ရောက်တော့ ဘုရားရှင်ရဲ့အမိန့်အတိုင်း အရှင်အာနန္ဒာက သင်္ကန်းချုပ်ပြီးဘုရားရှင်ထံ သွားရောက်ဆပ်ကပ်တော်မူတယ်။ ဘုရားရှင်ဟာ အရှုင်အာနန္ဒာချုပ်ထားတဲ့ သင်္ကန်းပုံစံကိုကြည့်ပြီး ရဟန်းများကို ``ချစ်သားတို့ကြည့်ကြစမ်း၊ အာနန္ဒာဟာ ပညာကြီးတယ်။ ငါ အကျဉ်းချုပ်ပြောပြအပ်သည်ကို အကျယ်အားဖြင့်သိပြီး အလျားအနားပတ်၊ တစ်လုပ်မြောင်းရှည်၊ တစ်လုပ်မြောင်းငယ်များကို ပြုလုပ်ထားတယ်၊ အိမ်ခန်းကြီး အိမ်ခွဲများကိုလည်း ပြုထားတယ်၊ အလယ်ခေါင် ခေါင်ရုံများကိုလည်း ပြုထားတယ်၊ လည်ခံအနားပတ်ကိုလည်း ပြုထားတယ်၊ မြင်းခေါင်းအနားပတ်ကိုလည်း ထည့်ထားတယ်၊ လက်ထိပ်ကိုလည်း ပြုထားတယ်၊ ဖြတ်သင့်ရာဖြတ်ပြီး စပ်သင့်ရာစပ်ထားတယ်၊ ရဟန်းများအား လျောက်ပတ်သောသင်္ကန်းဖြစ်၍ ငါဘုရားခွင့်ပြုတော်မူတယ်လို့ မိန့်တော်မူတယ်။ အဲဒီအချိန်ကစပြီး ရဟန်းတော်များသင်္ကန်းဟာ မဂဓလယ်ကွက်သဏ္ဌာန် ဖော်ခဲ့ရတယ်။

ဒါဟာ ဘာကိုရည်ရွယ်ပြီး ပုံဖော်တာလည်းဆိုတော့ ``ပုညက္ခေတ္တံ အနုတ္တရံ´´ဆိုတဲ့ သံဃာ့ဂုဏ်တော်တွေကို ပုံဖော်ထားခြင်းဖြစ်တယ်။ ဒီပုံဖော်ထားတဲ့အတိုင်း ဗုဒ္ဓမြတ်စွာသာသနာတော်မှာ သံဃာတော်ဟာ ကောင်းမှုတည်းဟူသောမျိုးစေ့ကို ပစ်ချရာ အလွန်သြဇာထက်သန်တဲ့လယ်မြေနှင့်တူတယ်၊ မြေသြဇာကောင်းတဲ့လယ်များ၌ ပစ်ချသောမျိုးစေ့ဟာ လျင်လျင်မြန်မြန် အပင်ပေါက်ပြီး ကြီးထွားလာသလို သာသနာ့မြေမှာ ပစ်ချတဲ့ ဒါနမျိုးစေ့ဟာလည်း လျင်လျင်မြန်မြန်ပေါက်ရောက်ပြီး ကြီးမားသောအကျိုးကိုပေးသတဲ့။ ဒီအကြောင်းနှင့်ပတ်သက်ပြီး ဓမ္မပဒအဋ္ဌကထာ ပုပ္ဖ၀ဂ်မှာလာတဲ့ မဟာကဿပထ္ထေရပိဏ္ဍပါကဒိန္န၀တ္ထုမှာ သိကြားမင်းနှင့်မိဖုရားသုဇာတာတို့ဟာ သာသနာတွင်းအလှူဒါန၏အကျိုးကြီးမားပုံကိုသိရှိသောကြောင့် အဖိုးအိုအဖွားအိုဟန်ဆောင်၍ လှူဒါန်းကြပုံသာဓကလေးရှိပါတယ်။

ဒီကနေ့ မိမိတို့ဟာ ဗုဒ္ဓမြတ်စွာဘုရား သာသနာတည်းဟူသော လယ်မြေအတွင်းမှာ ဘာမျိုးစေ့တွေပစ်ချပါသလဲ။ ဘုရားအနေကဇာတင်သဘင်ဆင်ယင်ကျင်းပကြတယ်။ ရဟန်းခံကြတယ်။ ကံထပ်သဘင်ဆင်ယင်ခဲ့ကြတယ်။ ကထိန်သင်္ကန်းလှူဒါန်းပူဇော်ကြတယ်။ ဘုရားအမှူးရှိသောသံဃာတော်အရှင်မြတ်တို့အား ဆွမ်းစသောလှူဖွယ်ဝတ္ထုအစုစုတို့ကို လှူဒါန်းပူဇော်ကြတယ်။ ဒီကနေ့အလှူတွေဟာ သာသနာပအလှူတစ်ခုမှမပါဘူး သာသနာတွင်းအလှူဒါနတွေဖြစ်ကြတယ်။ သာသနာတော်တွင်းအလှူဒါနများကြောင့် ဘ၀များစွာသံသရာတစ်ခွင်ကျင်လည်ကြရတဲ့အခါမှာ အောက်တန်းစားဘ၀က မကျင်လည်ကြရဘဲ လူ့ဘ၀ နတ်ဘ၀စသော အထက်တန်းစားဘ၀တွေမှာ ကျင်လည်ရင်း
အာယု=အသက်ရှည်ခြင်း
ဝဏ္ဏ=အဆင်းလှခြင်း
သုခ=ကိုယ်စိတ်နှစ်ပါးချမ်းသာခြင်း
ယသ=အခြွေအရံပရိသတ်ပေါများခြင်း
အာဓိပတေယျ=သူတစ်ပါးအပေါ်လွှမ်းမိုးပြီး တန်ခိုးအာနုဘော်ကြီးခြင်းစသော ဒါနရဲ့အကျိုးတရားများကို ပြည့်ပြည့်၀၀ခံစားရသည်ဖြစ်၍ ဘုရားအစရှိသော အရိယာအရှင်မြတ်တို့သိတော်မူအပ်သော သစ္စာလေးပါးမြတ်တရားကိုပိုင်းခြားကုန်စင်သိမြင်ပြီးလျှင် ဒုက္ခခပ်သိမ်းကင်းငြိမ်းရာအမှန် ပြည်နိဗ္ဗာန်ကိုလျင်မြတ်စွာမျက်မှောက်ပြုရပါလို၏´´လို့ ဆုတောင်းပတ္တနာပြုကြကုန်ရာသတည်း။

ဒါနမွန်တရားတော်(ဓမ္မပန်းချီ)
စာစီစာရိုက်ကုသိုလ်ပြု-ဓမ္မပန်းခင်း